سمعتي عن مفاتيح الحياة الزوجية . . ؟ !
كل زوج له مفتآح يعني مو كل الآزوآج وآحد . .
لاتآخذين طريقة آي زوجة وتطبقينها في زوجك . .
آنتي مع العشرة بتعرفين مفتاحه
مرآت يكون مفتاح زوجك فيه
ومرات يكون مفتاح زوجك فيك آنتي
آو في عياله بعدين . .
والمفآتيح اللي آقصدها هي مدآخل تكسبين زوجك فيها . .
مو تستغلينها آنتببببهي . .
آحفظي مفاتيحك قبل لاتصيرين زوجة . .
2- مفتاح اللمسة
المصافحه في اول لقاء
لمسه على الشعر
لمسه على الحاجبين > وهذي لها تأثير قوي
لمسه على الخدين
لمسه على اليدين
لمسة الأرجل عند الجلوس قريبآ
لمسات وقت الكلام
3- مفتاح حسن الأستماع
أستمعي لاتسمعين فقط
ضعي كل شي في يدك - أغلقي التلفاز - ضعي التلفون
أستمعي وتجاوبي
لاتقاطعي إلا لضروره وبرفق شديد
أستمعي ولو كان الأمر تاافه
4- مفتاح رقائق العين
نظرات الأعجاب
نظرات الحب
نظرات الدهشه
نظره العتاب اللطيف
5- مفتاح الرسالة
رسائل حب عند السفر
رسائل أثناء الخطبه
رسائل عند المرض
رسائل المناسبات
6- مفتاح العناق
عناق القدوم مع بسطة الوجه وحلو الكلام
عناق الوداع على أمل اللقا لحب جديد
عناق في البيت خاصة في غرفة النوم لإذكاء الحب
لو آمتلكتي كل هالمفاتيح وعرفتي تستخدمين كل مفتاح بوقته المنآسب
ممكن شوي آنتبهي معآي..!
خليك لهلوبة في كل شي
في بيتك وحركتك وكلآمك وفرآشك . .
خليك بشوش الوجه
وحطي في بآلك الحيآة الزوجية مو حلم وردي وبس
لما تمسكين شغلتين وتفركينهم في بعض يتآثرون صح ؟؟
كذا الزوجين لابد مايمر بينكم مشكلة آو سوء تفآهم . .
بالذآت آول الزوآج
بتكونين حسآسة حيل . . حتى مزح زوجك مآرآح تتحملينه
حتى لو كآن مايقصد . . لكن مع مرور الأيآم بتتعودين على طبعه . .
حطي في بآلك آن كلكم بشر مو ملآئكة
لابد ماكل وآحد فيكم له سلبيآت وأيجابيات
لما آحدنا يشد الثآني يرخي عشآن الحيآة تمشي . . وماتخسرون بعض . .
مشآكلك ماتطلع من بيتك إلا لما توصل كرآمتك ودينك . .
غيرها لايطلع آبد
آنتبهي تسولفين عن شي آبد
حلي آمورك بنفسك وحآفظي على مملكتك . .
لاتتعلقين بالزوج وتنسين صدآآقآتك . .
لاتلصقين فيه . . خليه يعيش يومه وعيشي يومك . .
آنتي عآرفة ومقدرة فكرة تقابلين شخص 24 سآعه . .
والله تجيب الملل لك وله . .
الحب ماله علآقة بهالشي
خليه يروح بشكل وسطي لاتحبسينه لاتروح وينك وليه . . ؟
زوري صديقآتك . . آهلك . . مآرسي هوآيآتك . .
خلي اللحظآت اللي تجمعكم تجي عفوية وبشوق متجدد . .
خلي تصرفآتك تجذبه لك
لاتفرضين حآلك وتنتظرين كلمة ثنآء ومديح
تتبعي موآطن آنفه وعينه وسمعه . .
ريحتك عطور وآنتعآش
جمآلك نظآفة ومتجددة على الدوآم
كلآمك يدل على تربيتك . . خليك آنثى من جددد . .
الحياة الزوجية مو جنس وبس..؟
]
في آمور ثآنية تربطكم . . مسؤلية بيت وعيآل وحيآة . .
مثل ماقلنا تعلمي التعامل مع الزوج
نبيك تعلمين النظآفة في بيتك . . تعلمي الطبخ وآخرآج الأكل بصورة حلوة . .
تعلمي يكون بيتك دوم فوآح عطور مثل جسمك . .
يعني تكونين نظيفة في نفسك وبيتك بوقت وآحد . .
لاتحسبين هـ الشي هين . . صدقيني يبي له تنظمين وقتك وتكونين دقيقة في كل شي
تعلمي في بيت آهلك لاتقولين لاتزوجت آسوي وآسوي . .
صدقيني مآرآح تعرفين تسوين شي . .
الممآرسة غير التعلم الشفهي . .
تعلمي الصبر في كل شي
ولاتنآظرين حيآة غيرك آبد . .
آقنعي فيما عندك وآرضي بقدرك . .
كثير بنآت بدو من الصفر مع آزوآجهم ونجحو مع مرور الحيآة . .
الصبر يبي له وقت مو يوم وليلة
خليك ظهر يستند عليه مع زوجك . .
وبنفس الوقت حسسيه آنه عزوتك بهالحيآة . .
وبنفس الوقت حسسيه آن ورآك آهل يهآب منهم . .
خليه يحترمك وآحترميه . .
لاتتعالين آبد وتكسرين رآسك
رآقبي الله فيه . . وخلي نيتك قبل لاتسوين شي قدآمك . .
عشآن ربي عآلم بنيتك وبيعطيك على قدهآ . .
كثير مهمة هـ النقطة . .
خلي رضآ ربي قدآم عيونك . . عشآن ربي يكون معآك
آكشخي لزوجك رضا لله آولا ورضا لزوجك ثآنيا . .
قولي لي كيف . . ؟ !
مثلاً :
زوجك على وصول ودخل وقت صلآة تصلين بسرعه عشآن تلحقين تكشخين له . .
لا لا لا
بتقولين برضي زوجي عشان ربي يرضى علي . . ؟
هنا مارضيتي ربك عشآن زوجك يرضى عليك . .
صلي بطمآنينة ونية خآلصة لله . . وبعدين تلحقين تكشخين له . .
الله الله بحسسن التعآمل مع زوجك وآهله . .
آبتسمي بوجه الكل
بوسي رآس الكبير . . تفآعلي وحبي النآس . .
لاتدشين عليهم وكآنك دآشة حرب . .
لاتنسين آنك مصفية نيتك لرب العبآد . .
آنتبهي تكون نيتك لئيمة . .
وبتعيشين مرتآحة الضمير
تعلمي الدلع قبل زوآجك من النت
تعلمي كل شي بس آنتبهي تقولين لزوجك آنا قريت كذا وكذا
متى ماحسيتي آنك تقدرين تطبقين طبقي حبة حبة . .
آول شي زوجك وحلآلك . .
خليك حآلية الريق وكلآآآمك يقوطر عسل
خلي ضمتك تخفيف هم . .
خلي بوستك تقدير وآعتراف بفضل . .
خلي لمستك حنآن وآمآن . .
خلي زوجك يحب مملكتك . . اللي هو بيتك وبيته . .
خليك الملآذ الدآفي له من عقبات الحيآة
بتقولين لي اللحين . . ليش بس آنا اللي آعطي . . ؟ !
يمكن يطلع مايستآهل . .
بقولك
كل شي تسوينه آرتجي ربك فيه مثل ماقلنا قبل شوي
كل شي تسوينه صدقيني بيكون له عطآء ورد جميل . .
بمجرد ماتروحين لآهلك زيآرة بيحس زوجك بفرآآآآآغ كبير . .
حتى لو ماصآرحك . . تكفي لهفته لك لاجيتي . .
الخلافات ومشاكلك الزوجية...
مشآكلك خليك سريعه بديهة
لاترفعين صوتك حتى لو كآن غلطآن
لاتخلينه يمد يده بآستفزآزه . .
آنتبهي تجرحين رجولته وتهينينه
صآر سوء تفآهم نزلي رآسسك بمعنى لما نهدآ نتفاهم
لاتتصآدمين معآآه . .
عطيه مجآل يتكلم وآسمعيه وتكلمي
لاتبكين آبد قدآآآمه . . لاترخصين دمعتك وقيمتك
خلي دمعتك غآآلية عليك . . ومو كل مشكلة تهلين الدمووع . .
الدموع عمرها ماحلت مشآكل . .
فكري بعقل وتمسكي بمملكتك . .
لما يعتذر منك قولي اللي بخآطرك بعدين سآمحيه
مو تخقين وتسآمحينه بدون مايعتذر . .
خليك قوية شخصية من بدآآية حيآتك . .
خلي تصرفآتك تفرض هيبتك
بلاش من الدلع المآصخ . . بكرة تصيرين مملة . .
لاتتصنعين شي آبد . . خليك عفوية . .
عفوية بريئة مو هبلللللة . .
يعني خليك وسطية بكل شي
وآخيراً وليس آخر |
صدقوني الدنيا كلها متآعب
مستحيل نحس بطعم الحلاوة الا بعد المرآرة . .
الله ماخلقنا عششآن يشقينا . .
الله يحبنا بس بيشوف صبر عبآده . .
بالصبر نلآقي الأجر بكل خطوة نخطيها . .
قوي علآآآقتك بربك وحبي حآلك وحبي النآس
آتمنى لكم حيآة سعيدة في كل مرآحل حيآتكم . .
رآقبي الله في كل تفآصيلك
خلي نوآيآك نظيفة عشآن آمورك تكون سليمة بعيدة عن كل خبث . .
آنتهت سوآلفي على خير . .
مآني ملآك لكن الحيآة تعلمني . .
ومن ماتعلمت حبيت آعلمكم
آختكم |غ ـــلآآآهم
تمت بفضل الله
آتمنى يرتقي الموضوع على ذآئقتكم
لا آحلل النقل إلا بذكر المصدر وآسمي
<< المصدر منتدى اقلاع والاسم مذكور فوق
قريته واعجبني الموضوع مره وحبيت انقله لقسم المراة
